صباح الخير
السلام :
اليوم رح ابدا بأول بوست
البوست اليوم رح يكون عن برنامج رياضي اسمو t25
برنامج رياضي منزلي
مميزات البرنامج
ان كل تمرين مدته (٢٥)دقيقة ، بدون بريك او راحه .
انو البرنامج عباره عن مستويين كل مستوى مدته(٥) اسابيع.
بيكسب الجسم اللياقه و النحف ويشد الجسم ، خلال مده قياسيه .
مدة التمرين بالاسبوع (٦)ايام و يوم راحه .
نتائجها سريعه.
مافي اي سبب يخليكي تروحي النادي بما انها رياضه في المنزل .
يغنيكي عن المشي .
لا تفقدي الامل مجرد ماتحسي بالم في عضلات جسمك بعد اول او ثاني يوم من الرياضه ، بسبب انك حسيتي انها ما تناسب جسمك او انو التمارين صعبه ،هذي نتائج انو التمارين او الرياضه فادت معاكي ، بمجرد ما تتعوي على الرياضه مرح تحسي بالم لانو وقتها جسمك تعود عليها،التمارين مو صعبه ولا سهلا يعني وسط بس انتي اذاشديتي حيلك رح تكوني قادر عليها،
رح تحسي انو البنت ما تسوي نفس حركتهم
لكن هيا تسويها نفس طريقة المدرب بس بطريقة اسهل
لا تعتمدو عليها من البداية مو من بدايت المشوار تعتمدوا عليه
الا اذا حسيتوا انكم مو قادرين تزبطو الحركة وقتها سوا زيها لكن مو كل مره
المستوى الاول
المستوى الثاني
النتائج
الاشياء المهمة الى لازم تعمليها
اشياء ضروري تنتبهو لها !
رياضه بدون ماتتركي حاجات مضره بصحتك ما تلاقي أي فايده
البيبسي ومشتقاته نتركها طبعا
استبدليه بعصيرات طبيعيه
سيزر مراعي او عصيرات انتي تعمليها بنفسك او اي عصير اخر
المقليات و الوجبات السريعة و المفرحات و الشوكلاته و الشبسات لازم تتركيها صح انو صعب
بس العزيمه والاصرار هي اهم حاجه وتشجعت وتركتهم واستغنيت
نظمو لكم جدول للاكل الصحي الاكل الصحي رح يعكس على بشرتكم وشعركم مو بس اجسامكم
اللي م تقدر تستغني عن الاشياء هذي تبدا حبه حبه انتي تخيلي كيف جسمك بيككون وقتها !
م رح تخسري حاجه لنفسك اولاً واخيرا
اشياء تفيدك :
نظمو لكم جدول غذائي صحي .
واطبعو الجدول اذا حابين عشان تشطبو كل يوم تتمرنو فيه وتتعدوه " فكره كويسه و تشجيعيه برضو "
واكتبو على ورقه أي جمله تشجيعيه محفزه
" انا قادره رح اوصل للوزن المثالي وح يكون جسمي مثل ما رسمته في بالي "
محتاجين وقت الرياضه :
1- فوطه نمسح فيها اجسامنا .
2- قارورة مويه لانك رح تخسري كميه مويه من جسمك ورح تعطشي
3- البسو الصدريه بدل الستيانه لانها مريحه
4- البسو شوزات الرياضه اريح
ومع السلامه
